Thursday, September 29, 2005

مانفسكش في عيل يتربى في عزك وتكتبه باسمك؟!!د

مانفسكش في عيل يتربى في عزك وتكتبه باسمك؟!!ا


السطور التالية أصابتني بــ ... رجرجة أو خلخلة مشاعر وفكر وثوابت.. أصابتني بحالة كريهة من عدم التصديق لا علاقة لها بالبراءة أو أي شيء آخر. أنا أعرف أنه كان في "كان يا مكان في سالف العصر والآوان". لكن لم أكن أعرف أن الـ "كان" هو "كائن".ا
ولا تعليق لي أكثر من ذلك...د


"الأم تحمل صفة من صفات الله وهي الرحمة.. وإذا تخلت عنها.. إسألوا الفقر". ا
مكسيم جوركي في رواية الأم

************

لا تسألوني أين قابلتها وحتى ما هو اسمها أو عنوانها فقد حلفتني على المصحف .. كتاب الله ألا أكشف سرها إذا هي باحت لي بكل الأسرار في سوق النخاسة المصرية التي فتح أبوابها الفقر والعوز والحاجة والبعد عن الدين وانحراف الذمم وخراب الأمم ليس في القاهرة وحدها بل في بر مصر كله بعد ألف عام أو يزيد من إغلاقها وكانت آخر مرة شاهد فيها الناس سوق النخاسة في حي المغربلين والقلعة وبوابة المتولي.

بالأمل كله دخلت سوق النخاسة المصرية آخر طبعة نسخة 2005. وجدت بضاعة بريئة لا حول لها ولا قوة. أطفال في عمر الزهور .. شهور، سنة، سنتين، ثلاث سنوات بنات وأولاد،، بيض سمر حسب الطلب.
والسعر حسب المطلوب .. بس إنت شخشخ جيبك وطلع المعلوم إنت وشطارتك في الفصال من 500 جنيه 30 لـ ألف جنيه.. يابلاش.د

لنقل إن اسم النخاسة المصرية الحديثة "أم ازدحمد". المكان الذي ذهبنا إليها فيه: حي متطرف عن قلب القاهرة تصل إليه بعد جهاد وزحام وعرق وشعبطة في المواصلات.

بنات ونساء يدخلن علينا ويخرجن يحملن أطفالاً ويضعن أطفالاً بينما أم ازدحمد جاحظة العينين لا تهتم بمن دخل ومن خرج وبمن صرخ أو بكى.
كان أول سؤال للنخاسة أم ازدحمد: "منفسكش في عيل؟!" قلت: "عندك عروسة حلوة كده؟" ا
قالت ساخرة: "في السن ده يا راجل؟!"ا
قلت: "أمال عندك ايه؟" ا
قالت: عندي لك عيل زي الصبح المنور أو عيلة زي القمر المدور تتربى في عزك وتكتبها باسمك.
قلت: باسمي كمان؟ا
قالت: تحب تتفرج؟ا
قلت: هو احنا كمان هنتفرج؟ا
قالت: زي ما إنت عاوز، عندي الأبيض والأسمر وفيه الشقرا والخمري وفين من سن شهر لحد 4 سنوات.
تنادي بصوت عالي: يابت يا باتعة هاتي أدهم وسنسن وعبد الله ويارا.
قلت: وفيه يارا كمان.
تدخل باتعة تحمل طفلتين وتسحب طفلين غاية في البراءة وغاية في الضياع.
أتفرج وأتألم دون صوت. مشهد تتحجر لمرآه الدموع في العيون وتتوقف الطيور فوق الأشجار عن الصدح والشدو والتحليق وتحني النخيل هاماتها ويتوقف جريان النهر كله كأن الحياة قد توقفت وكأن الزمن لم يعد له حساب.

أمامي النخاسة أم ازدحمد وكأنها "دواهي" في فيلم "جعلوني مجرماً". قلت لها: وبكم كده إن شاء الله؟ا
قالت: عاوز تشتري صحيح واللا بس فض مجالس.
قلت لها: أصل فيه ناس كلموني على عيل صغير وبكرة واللا بعده هيجوا عندك.
قالت: لو عندك ست عاقر مافيهاش عرق للخلف، واللا واحدة عصعصت واتهد حيلها وانقطع سيرها دوران على الدكاترة والمشايخ والدجالين وحفلات الزار والكودية وطلبات الأسياد، تجيني على طول طلبها عندي من غير مراسيل ولا جواب.
سألتها: والعيال دول منين يا أم ازدحمد؟ا
نظرت إلي في غرابة: اوعى تكون كده فاكر إنا سارقينهم أو خاطفينهم.. دول مولودين هنا على إيدي في الأودة الجوانية.
قلت: يعني أبوهم مين وأمهم مين؟
قالت بغضب: إنت يا سيدنا الأفندي جي تشتري واللا جي تحقق.. اوعى تكون مباحث واللا أمن دولة.. الشر بره وبعيد.
قلت: يا ستي لا مباحث ولا أمن دولة أنا مجرد واسطة خير لناس قصدوني في حتة عيل وناس ولاد حلال وولاد الحلال كتير في الزمن ده.
قالت بريبة: وولاد الحرام أكتر.
قلت: قولي كلمة كده من وشك السمح "ملحوظة، وشها كله نكد في نكد ومرسوم عليه علامات غضب الله وعيونها عيون ساحرة لئيمة تكيد كيداً كما في قصص الساحرات الشريرات اللاتي يقفن على باب جهنم في أوديسة هوميروس."
ابتسمت لأول مرة وكشفت عن فم كأنه قبو أسود بلا أسنان وقالت: صلي ع النبي".. ا
قلت: اللهم صلي عليه
قالت: عشانك إنت بس الطفل المولد لسه من شهور بـ 3 آلاف جنيه والبنت أم سنتين بـ 9 آلاف جنيه والولدين التوأم...!ا
قلت: هو فيه توأم كمان.؟
قالت: خير ربنا.. رزق نقوله لأ. نجمد ربنا ونشكره. الاتنين مع بعض بـ 12 ألف والواحد لوحده بـ8.ا

.......................
.......................
.........................

قلت وأنا أرتشف القهوة البيتي من إيد باتعة وقد زال ما بيننا من حرج وريبة: قوليلي يا ست أم أزدحمد العيال دول بتجيبوهم منين بالحق كده؟
قالت: البنات الصغيرين اللي بيضحكوا عليهم باسم المدعوق اللي اسمه الحب.. البت من دول تحب الجدع لحد ما يجرجرها وتسلم له نفسها. تحمل فيروح مزوغ ويسيبها في مصيبتها لوحدها. احنا نلمها وتعيش معانا في الأودة الجوانية لحد ما تولد.
احنا بنداري على الولايا وكله بثوابه وكله عند الله.. واللي عند الله ما يضعش أبداً!!! ا
وبالسلامة بعد ما تشرف ثمرة الخطيئة..
قلت: تاخدوا منها المولود وتسيبوها تروح لأهلها وكأن شيئاً لم يكن؟! ا
قالت: شوف احنا ناس طيبين قد ايه؟
قلت: وإن رفضت تتخلى عن ضناها؟ا
قالت وقد انقلبت إلى نمرة شرسة: رد الجميل اللي علمناه فيها إن الولد ناخده حلالنا بلالنا نشيله لحد ما ييجي اللي عوزه فيدفع ويشيل. ولعلمك كل واحدة بتغلط ما بتصدق تتخلص من الفضيحة وتهرب بجلدها.
قلت: ولا شهادة ميلاد ولا يحنون!
قالت: اللي يشيل يعمل شهادة ميلاد ومكاتب الصحة بتسجل "الكفت"
أسألها: يعني ايه؟
قالت: هو إنت مش من البلد دي واللا ايه.. واللا ماشفتش فيلم "الزوجة الثانية" العمدة صلاح منصور قال للمأذون: مكتب الصحة بتاعنا والدفاتر بتاعتنا، اكتب يا راجل اكتب.

نسمه أصواتاً في الأودة الجوانية، وتخرج الإبنة الكبرى لتحكي الحكاية: يا ستي عاوز ياخد عبدالله يوريه لزبون سقع ويجيبه. ا
قالت أم ازدحمد بشخطة: مفيش عيل يخرج من هنا ولا حتى بعربون.. اللي يدفع يشيل على طول. ا

أسألها فجأة: طيب لو البنات بقوا آخر استقامة وأخلاق وورع ومابقاش فيه حمل سفاح ولا بنت تغلط، السوق يشطب عندكم؟
قالت: وهم الستات اللي بيغلطوا كل يوم راحوا فين.. دول زي الهم على القلب. واحدة مطلقة وغلطت، وواحدة أرملة ودماغها رنت في الحرام، واللا واحد متجوزة وجوزها غايب بقاله كتير وحبت تفرفش عن نفسها فوقع المحظور. ا
فقلت لأسد عليها المنافذ: كلهن أصبحن آخر استقامة تعملي ايه؟ د
قالت: إنت عمال تسد المنافذ في وشنا ليه من ساعة ما قعدت، لو الدنيا خلاص قفلت قدامنا أبوابها والسما بطلت تمطر عيال صغيرين .. نعمل احنا عيال ونبيعهم.
أسألها بلهفة: تعملوا عيال إزاي، إنتو عندكم مصنع لإنتاج أطفال حسب الطلب؟ا
قالت:
مصنع طبيعي وحياتك ومن عند ربنا وهاريحك وأقول لك.

قادتني للغرفة الداخلية.. منصوب فيها سرير وكنبة وتربيزة مدورة تطل على الشارع الخلفي بشبالك صغير تتخلله أسياخ حديدية.
قالت: شايف الأودة دي هي اللي بنستقبل فيها الحوامل سفاحاً لحد ما يولدوا وبالسلامة.. تنادي على بناتها: ياللا يابنات اطرأوا شوية.
نجلس على الكنبة وتهمس: إنت لحد دلوقتي ما سألتنيش عن أبو البنات.
قلت: أيوه صحي هو فين وشغلته ايه؟ا
قالت: بعيد عنك في القصر العيني بعد الحادثة اللي حصلت له وطارت فيها رجليه وبقى عاجز واحنا ربنا يقدرنا نقوم بالشغل بداله.
هو كان بيشتغل شغلانة منيلة بنيلة بعيد عنك.
- شغلانة ايه؟
قالت: كان، أستغفر الله العظيم، يسرح البنات.. كل واخحدة تعمل اللي على مزاجها لحد ما تيجي يوم وتقوله " أنا حامل يا بابا!.." هنا يفرح بيها ويشيلها في عينيه الاتنين ويقعدها في البيت ويستتها ويصرف عليها من مجاميعه لحد ما تولد وبعد كده يتصرف هو في المولود.
قلت بعد الصدمة: يعني بيتاجر في عرضه وعرض بنته ويبيع ابنها اللي هو حفيده؟!ا
قالت: إنت مستغرب ليه، الواحد بيعمل الغلط مرة وبعد كده بيبقى طبيعي واللي يقتل واحد يقتل عشرة.
لم أعد احتمل الغوص في مستنقع الخطيئة. أحسست كأني أحمل فوق كتفي كل خطايا البشر فوق خطايايا وأخطائي.

.............
..........
..........
......

مسلسل بيع الأبناء مازل مستمرا وربما سيأتي يوم نسمع فيه الباعة المتجولين في الشوارع يصيحون: "عيال بداري للبيع، قرب قرب قبل ما نشطب"..
وإذا لم تصدقوا أن هذا اليوم قد شئنا أم لم نشأ قد أصبح يطرق أبواب حياتنا وأننا سنعود يوماً إلى عصر النخاسة والجواري والقيعان. وإن كنا قد بدأنا بالأطفال حتى الآن فبم تفسورن هذه القائمة السوداء لبيع الأطفال في بر مصر كله؟د

- مواطن مصري من معدومي الدخل يتجول شوراع مدينة بورسعيد عارضاً بناته الأربع للبيع: أرزاق 10 سنوات، وكريمة 8 سنوات، وبدر 6 سنوات، وبدوية 4 سنوات. سأله مندوب جريدة المصري اليوم: لماذا تبيع فلذات كبدك؟ قال: لا أجد مأوى لهن ولا ثمن ما أطعمهن به.. أخاف عليهن من التشرد والجوع فعرضتهن للبيع.
- تكررت الحكاية في مدينة الحمام بمرسى مطروح حيث قام أب بعمل مزاد علني لبيع أصغر أبنائه لأعلى سعر كي يستطيع تعليم ابنته الكبرى بكلية الطب التي كانت من بين العشرة الأوائل لكن الفقر منعها من إكمال تعليمها بطب الأسكندرية في السنة الثانية لعدم مقدرتها على سداد رسوم الدراسة ورفض المسئولين إعفائها منه.
- في منطقة مدافن اليهود بالبساتين قامت سماح ببيع ابن شقيقها بخمسة آلاف جنيه لكي تسهم في مصاريف زواجها.
- كشك لبيع الأطفال صاحبه رجل عجوز يلتقط الحوامل سفاحاً من الشراع ليبيع أطفالهن ويسمح لبناته بإقامة علاقات آثمة لكي تلدن له أطفالا يبيعهم لمن يريد. سعر الطفل 3 آلاف جنيه وسعر الطفلة 4 آلاف جنيه.
- أب في الفيوم يبيع أطفاله بـ 3 آلاف جنيه والمحكمة تبرئه.

كأنني ركبت آلة الزمن التي عادت بي إلى القاهرة يوم ولدت في شارع المعز لدين الله قبل ألف عام أو يزيد.. وكأنني أقف على باب سوق النخاسة في حوش المغربلين حيث كانوا يبيعون العبيد والجواري والقيان والحسان والطواشي والغلمان والنخاس العجوز بلباسه وهندامه وصوته المنغم يرفع عقيرته بأحسن ما عنده من كلام ومحاسن وصفات عارضاً بضاعته الآدمية على الرائح والغادي: "يا أهل مصر أمامكم جوار حسان.. أميرات من بيوت أمراء بر الشام.. وأسيرات حرب وقيان يقرضن الشعر ويضربن بالدف ويشدون بأعذب الألحان وعبيد مثل أعواد الأبنوس قوة وفتواً وبريقاً.. وأطفال من نساء ملوك وأمراء حملتهم القوافل من سمرقند وطشقند وتبريز وأصفهان.. ياللا سنبدأ المزاد في الحال .. واللي ما يشتري يتفرج..
أمام عيني سوق النخاسة أو سوق الجواري كما هو لم يتغير ولم يتبدل.
الصورة هي الصورة والموقف هو الموقف والبضاعة هي البضاعة آدميون يباعون لمن يشتري ولمن يريد ولمن يدفع أكثر..!!! د

الفرق بين الصورتين ألف عام ويزيد والنخاس الذي خرج من صفحات قصص ألف ليلة وليلة هو الآم أمام عيني امرأة هجمه طول بعرض نزعت قلبها من صدرها ووضعت مكانه حجراً أصم أبكم لا ينطق ولا يسمع ولا يرى.
وسوق الجواري أصبحت بيتاً احنى الزمن رأسه بداخله شقة مطرحين وصالة يتم فيهما بيع بني آدم وشراؤه تحت أعين الجميع وبلا خوف من قانون أو دين أو ضمير.

لقد أصاب الوهن نفوسنا ونسينا ربنا وديننا وأصبحنا أمة بلا خلق وبلا دين وبلا عرف أو تقاليد.

ملحوظة:
الرؤية القانونية لقضية بيع الآباء لأبنائهم تشوبها الكثير من التساؤلات فكما يرى د. حمدي عبد الرحمن عميد كلية الحقوق جامعة عين شمس حيث يؤكد أنه نوع من القصور في التشريع المصري حيث يجب أن يتخل المشرع لوضع قانون لتجريم هذا التصرف بأن يضع توصيف مناسب للفعل والنص المناسب ووضع العقوبة المناسبة. هناك أفعال مرفوضة لم يجرمها القانون كما يقول د. شوقي السيد أستاذ القانون الجنائي بحقوق القاهرة وعضو مجلس الشورى حيث يرى أن بيع الأبناء بيع باطل مطلقاً فكما أن الإسلام حرم التبني ونسبة الابن لغير أبويه فإن أي تصرف يرد في هذا الاتجاه ينطبق عليه البطلان.

بتصرف من تحقيق السبت، الأهرام 24 سبتمبر 2005 "هنا يباع الأطفال ويشترون" ... أ/ عزت السعدني




4 comments:

Anonymous said...

Hackaday mentioned on G4's Attack of the Show
Filed under: Games , Cable G4's Attack of the Show tonight mentioned the how to downgrade your PSP's firmware from version 2.0 to 1.5 tutorial that I wrote for TV Squad's sybling-blog, hackaday this morning.
Find out how you can buy & sell anything, like things related to music on interest free credit and pay back whenever you want! Exchange FREE ads on any topic, like music!

mandyharolds18415014 said...

I really enjoyed your blog. This is a cool Website Check it out now by Clicking Here . I know that you will find this WebSite Very Interesting Every one wants a Free LapTop Computer!

Nour said...

ده فيلم "بدارة" بقى بس على حقيقي

لا حول ولا قوة إلا بالله

هو الموضوع كبر للدرجة دي؟

الله لا يسامحهم أبدا يا رب

موقع جوجو الشامل said...

شهاده منى
هه المدونه من اجمل المدونات التى رايتها فى يحاتىة ي مان



زرتت موقعك واعجبنى كثيرا
اتمنى ان تعطينى رايك فى موقعك وشكرا لك يا غالى
موقع الزمالك

موقع جوجو الشامل

موقع الاهلى المصرى 101

موقع اخبار الكورة المصرية,الاوربية,العالمية,الاهلى

موقع النادى الاسماعيلى ,اخبار الاسماعيلى

موقع تعليم الفوركس للمبتدئين اون لاين

موقع شباب بيك

ثانكس كتير ليك