Tuesday, December 20, 2005

لحظة وجود

لحظة وجود



يستطيع أن يخرج أجمل ما فيّ..د
سألني عن أحوالي ودراستي الجديدة، فكدت أسخر معاتبة لتأخره في السؤال، لكن سعادتي به غلبت عتابي. تدفقتُ في الكلام عن أحوالي وعن المواد وعن الدكاترة. كنت أحكي بالطول والعرض وأشعر بطعم للكلام فتوقف عن تناول طعامي لأشعر بطعم الكلام أكثر.د

أحسستُ بدفئه يحيطني، فحاولتُ التشاغل بأي شيء حولي. لم أجد.. فالجدران بيضاء وقد خلت حتى من البقع، حتى الطاولة لا يوجد بها أي خطوط أو الدوائر الموجودة في الخشب. فتشاغلت برسم خطوط بأصابعي لمدن وحواري.. كلما رفعت بصري إليه أجده يتابعني بعينيه الواسعتين وسع روحي وروحه والدنيا والبحر ويبتسم، فلا يتيح لي أن أستمتع بقرائتهما وسماع همسهما..د

طال حديثي حتى انتهت المقررات الدراسية علينا، وذاكرت كل الروايات والمسرحيات والنظريات النقدية التي لم أدرسها بعد، وانتهى الكلام الذي يمكن أن يقال.د
طال صمته الناطق وثقل حمله على قلبي..!!د

توقفتُ فجأة وسكت لأقطع صمته بصمتي
ابتسم وهو يغمز:د
د"وقفتي ليه؟!"د
د"حسيت إني رغاية" ورفعت كتفي معتذرة
ضحك وقال وهو يحاول أن يعقد حاجبيه نافياً: "أبداً أبداً.. كملي إنتِ بس"د

وبدأت الحكايات المسكونة في تجاويف سنيني في الخروج وكأنني لم أحكِ من قبل وكأنني لم أكن أحكي منذ ثوان. حكيت له عن أشخاصي وقصص قرأتها وأخرى سأكتبها، وما أفكر فيه وقلت له عن الاسم الذي سأسمي به ابنتي إن شاء الله. د
كنت أنسى، فتخرج مني تلك الشقية بتلقائية وأجد صوتي يعلو فجأة وأصفق بيدي "إنتَ عارف إن..." لأني تذكرت شيئاً أهم لأحكي له عنه. ثم أتدارك نفسي بعد فوات الأوان، بالتحديد بعدما يكون هو رأى وسمع واندهش وأطلق ضحكته عالية.د


عدّل جلسته النبيهة ومال بجسمه على الطاولة وأسند رأسه في حضن ذراعيه المعقودتين. ومرّ بوجهه عليهما يلمس صوف بلوفره المخملي ملتمساً الدفء أو النعومة وهو يفتح عينيه ويغمضهما نصف غمضة كالقطة وهي تستيقظ أو تتدلل على صاحبها.
وأنا مازلت أتشاغل عن نظراته بالمدن والبيوت والشطوط التي أرسمها بأصابعي في الهواء وعلى قدمي وعلى الطاولة وكأنني سأداري كسوف قمري واحمراره!!!د

كنت أحكي وأدخل وأخرج في الكلام، وأعود لزمان بعد أن أمرّ على بكرة..د
وهو يستمع ويصمت ويلمس صوف بلوفره باستمتاع..د
وبينما أنا منهمكة في الحكي وهو منهمك فيّ، رفع رأسه فجأة وقال لي:د

د"باحب أحس إني صغير وجميل وإنتِ بتحكي"د

23 comments:

Geronimo said...

دعاء
استنى كده هي السما كانت بمطر حاجات حلوة وانتى بتحكي ولا انا كان بيتهيأ لي
لاء كانت بتمطر
شيكولاتة وبنوبونى وورد واعقاد فل واعواد ريحان وزهور بنفسج وكلام حب كانت السما بتمطر احضان يا دعاء وانا بقرا كلامك واقفة ف وسط وجودك ومن غير شمسية ( برافو يادودو عرفتى تحسسيه انه صغير وجميل وعرفتى تحسسينى بالدفا )برافووووووووو

Hend Nour said...

برافووو يا دعاء ، من الواضح ان "الحكايات المسكونة في تجاويف سنينك" لم تمتع "سعيد الحظ" وحده بل امتعت و ستمتع كل من يستطيع القراءة و يملك شيئ من الإحساس...
"ملتمساً الدفء "... عارفه فكرتني بإيه؟؟ فكرتني بالسقعة اللي طالعة من جوه الللي كنت قلتلك عليهاو الغريب انها عوضتني عن السقعة دي بلحظة دفا من جوا قوي ممكن تمشيني فترة طوووووووووووووووووووووووووووويله.... الشيئ اللي يخليني لازم اتمسك باللحظة دي عشان خسارتها لا تعوض...
حاجة أخيرة عايزة أعملها و إن كانت هتبدو غريبة ،عايزة أكتب كل الكلمات اللي مقرتهاش بعيني و هزتني قوي (أعتقد انك فاهماني)....
سعادتي به غلبت عتابي" ، "أحسستُ بدفئه يحيطني، فحاولتُ التشاغل بأي شيء حولي" ، "فتشاغلت برسم خطوط بأصابعي لمدن وحواري" ، "طال صمته الناطق" ، "الحكايات المسكونة في تجاويف سنيني" ، "وهو يفتح عينيه ويغمضهما نصف غمضة كالقطة وهي تتدلل على صاحبها" ، "وكأنني سأداري كسوف قمري واحمراره" ، "أنا منهمكة في الحكي وهو منهمك فيّ، " ، و أخيراً..."باحب أحس إني صغير وجميل وإنتِ بتحكي....و أنا كماااان"

Omar said...

فكرتيني بغنوة كنا لسة احنا الاتنين بنتغزل فيها، وفيها سؤال انتي شخصياً يمكن إجابة عليه..

ليه يا بنفسج بتبهج وانت زهر حزين، والعين تتابعك وطبعك محتشم ورزين، ليه يا دعاء :)

Doaa Samir said...

سمسم،

والله ماكانش قصدي ؛)!! أما السما.. فلأ مش كانت بتمطر حاجة خالص مع إني بادعي ربنا إنها تمطر بقى. بس بجد فرحتيني بإحساسك بالدفا، حسيت بشيء من الرضا

هنّوود،

كلامك بيخليني أسأل إزاي الواحد ممكن يحس بالسقعة ويدفي غيره.. أصلي لما كتبتها في السي تي ايه وأنا تعبانة ولوحدي ومطبقة يومين من غير نوم إلا 3 ساعات كنت حاسة بالسقعة، ولما دونتها اليوم التاني بالليل برضه كنت حاسة بالسقعة!! بس كفاية إنك حسيتي بالدفا بجد.. ويكفيني إنك حسيتي بإنك "كده كمااان: جميل وصغير"!!د
(:

Doaa Samir said...

عمر،

إحم، وكمان إحم، العفو يا فندم -ياسلاااام، باتخيل إني بنفسجة!! (: د

والله ما أعرف ياعمر!! د

Bent Masreya said...

فوق الأرض بشبرين انا دلوقتى، كل مرة اقرالك يحصل كده، بتشعلقينى يا ديدى

دعاء غريب said...

يا دعاء يادعاء
حيرتيني مش عارفة أقول عليكي ايه!!!!!!!!!!
اه عرفت انت حد جميل قوي
انت شمعة مش بتنور لغيرها بس لكن بتهبهم وتبث في روحهم الدفء رغم برودة الايام والزمان
ربنا يباركلك يابنتي

bosbos said...

حسستيه انه صغير و جميل و انت بتحكي

يا سلاااااام

كام واحده بتتمنى انها توصل حبيبها للشعور ده

انت اكتشاف يا دعاء فعلا حسستينى بالدفا و انا بقرا كتابتك

Doaa Samir said...

يا بنوتة يا مصرية،

أنا بقى كنت فوووووق في العلالي.. كنت..
ياسلام لو الواحد يفضل فوق زي الكروان بجد!!د


دعاء،

أخيراً، حمد لله ع السلامة، معلش أنا عارفة إن الطريق طويل.. اللهم آمين يا بنتي، نفسي آخد أجازة بقى يا دعاء

Doaa Samir said...

Bosbos

نورتي البلوج ونورتيني، والله لو على الشعور ده بس مفيش مشكلة، المشكلة لما يكون ده غطاء لطبقات تانية من الشعور!! ساعتها هتبقى حوسة..

الله يخليكي يا بوسبوس لا اكتشاف ولا حاجة ده أنا غلباان(؛ يارب بس أشوفك تاني وتالت وإلخ

سامية said...

إيه الحلاوة دي! إيه الطفولة الجميلة دي وإيه الجمل الغنية دي! بتقولي حاجات تبان كأنها بسيطة وممكن تعدي على الواحد كده لكنها منتقاه ومكتوبة ببراعة فعلا. استوقفتني حاجات صغيرة زي مثلا: عدّل جلسته "النبيهة"،و"أعود لزمان" بعد أن "أمرّ على بكرة"،كنت أحكي "بالطول
والعرض" وأشعر بطعم للكلام

القطعة مليئة بالمنمنمات المنمقة الجميلة

تحياتي يا دعاء

Pianist said...

باحب أحس إني صغير وجميل وإنتِ بتحكي


صدقيني ده اجمل حاجة ممكن يحسها راجل مع امرأة

Zeryab said...

أتضامن مع بيانست

vodo said...

الكلام الجميل دة يستحق بوسة على الادين اللى كتبتة
بوسة على اطراف الانامل

Doaa Samir said...

سامية،
أهلا بيكي تاني ويارب كمان، والله يخليكي يا فندم، "منمنات منمقة وجميلة".. يا سلاااام.. خليتيني أعيد قراءتها تاني لكي أرى المنمنمات دي..!!د

بيانسيت،
أسعدتني نقرتك الخفيفة على وتر الكروان، بس متهيألي إن فيه أحاسيس تانية أكتر من كده..، وأكبر من إن الدفء وحده والجمال وحده وإحساس الطفولة وحده يتحملها..د
ياريت نسمعك على طول

ام المريله الكحلى said...

عارفه فكرتينى بأحساسى لما حبيبى بيكون معايا واحنا بنحكى الحكاوى وفى وسط الحكاوى يقولى يا... احكيلى حدوته
اضحك اوى لانى مش عارفه اقوله ايه
بس لاحس انه صغير وجميل وملكى انا ساعه مابقعد افتكر حدوته قديمه من حكاوى زمان عشان احكيهاله
برافو على الاسلوب بجد عيشتينى فى الموووود

Ahmed Shokeir said...

بالرغم على مايبدو ان ماتحكيه له تعتبر أشياء مملة من وجهة نظر للآخرين
إلا إنك حصلت على مستمع جيد ومن النوع النادر فى هذا العالم الملئ بالضوضاء .. يبدو أن لديه مشاعر خاصة جدا تجاهك هى ماولدت عنه إحساسه بأنه طفل بين يديك
أنا عكس الاخرين شايف إنه سعيد بيكي وبقربك وبسماع صوتك أكتر من حكاويكي

زى سامية مابتقول البوست ملئ ببعض المنمنمات المنتقاه بعناية مثل

طال صمته الناطق وثقل حمله على قلبي
الحكايات المسكونة في تجاويف سنيني

في النهاية أنا حسيت إنه شاعري جدا بصمته وإنصاته وحسيت إنك رغاية جدا ودوشة وقلق وتجيبي صداع

Nerro said...

مبسوطة بالتعليق بتاعك عندي عشان اتعرفت علي مدونتك من خلاله...و بجد قعدت اقراها كلها..ناعمة قوي و بنوتاية يا دعاء....
مش مشكلة انك تبقي رغاية مع حد بترتاحي له...اصلها مش بتحصل كتير

Doaa Samir said...

زرياب،

مرحب بيك للمرة الأولى في بلوجي، مش عارفة أقول لك غير إنكم أدرى!!!د

Vodo
"حبتك العافية".. كلمة تتقال في البلد لما حد كبير وليه قيمة ومكانة يميل على حد صغير ويبوسه

أم المريلة الكحلي،

على فكرة اسمك عاجبني ومخليني متخيلاكي بضفاير ومريلة كحلي أو أنا حابة أتخيلك كده، حتى إني لما لقيتك بتقولي حبيبي اندهشت لأني صدقت اسمك..!!د
منعشة أوي اللحظات الجميلة اللي بينا وبين حبايبنا، باحس إنها وقود لينا وليهم عندنا

Doaa Samir said...

أستاذ أحمد،
أولاً، أولاً، أنا فرحانة جدا بحلول حضرتك على مدونتي الصغيرة
ثم .. أولاً، أولاً ميرسي على تعليقك اللطيف على تعليقي في نظارة شمس
ثانياً، تصدق ماخدتش بالي إن الحكايات بتاعتي ممكن -مجرد احتمال يعني- إنها تكون مملة؟!!! هو اللي عليه يقول بقى!!د (؛

ماعلينا
تصدق كمان إني نفسي أكون "دوشة وقلق وباجيب صداع"؟! ... أما "رغاية" دي فهي وراحتها، ساعات بتيجي وساعات بتروح لحد ما يقولوا لي "لا أسكت الله لكِ حساً"د


Nerro,

وأنا مبسوطة بقراءتك وتعليقك.. حلوة أوي الملاحظة بتاعتك "بنوتاية وناعمة" تقريباً أول مرة حد ياخد باله وأنا كمان -إحم-..!! بس فعلا نادر أوي الواحد لما يلاقي فرصة يرغي مع اللي بيحبهم.. بيبقى ناقص يمسكها ويعبيها فيه
((:

egiziana said...

دعاء كتابتك ناعمة اوي ، حسيت معاها بإحساسك الجميل البرئ، وصلتلي الإحساس بالمكان و الكلام و الدفء

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

موقع جوجو الشامل said...

hاوك يا مان
ر

اذيك يا صديقى
اولا : اود ان اشيد باعجابى الشديد والمنبهر بمدونتك
حقا رائعه
ثانيا اود ان اقوم بعمل تبادل روابط نصيه معك بمدوناتك مع احدى مدوناتى
ان تضع لى رابط احى مدوناتى عندك وان اضع لك رابط احدى مدوناتى عندى
اليك المدونات اختار منهم ما شاءت

موقع الزمالك

موقع جوجو الشامل

موقع الاهلى المصرى 101

موقع اخبار الكورة المصرية,الاوربية,العالمية,الاهلى

موقع النادى الاسماعيلى ,اخبار الاسماعيلى

موقع تعليم الفوركس للمبتدئين اون لاين

موقع شباب بيك
منتظر ردك
بعد ان تضع لينك مدونتى عندك اترك تعليق فى اى مدونه عندى لكى اقوم على الفور
باضافه مدوتك لدى
شكرا لك تقبل خالص مروى وتقدرى واحترامى لك
شكرا لك صديقى
ماشى
شكر ا لك