Thursday, February 09, 2006

وفاة مصر

وفاة مصر!!د
مصر:د

قطار يحترق

عمارة تنهار

باخرة تغرق

ونفوس تتفحم في مسرح

وأخرى يقتلها الجهل والسحر والفقر بالليل!! د

16 comments:

بعد الطوفان والجو شبورة said...

مصر ..!!!!؟ ..غريبة !!! أنا سمعت الإسم ده فين قبل كده؟؟! عموماً الله يرحمها

rony_al3geeb said...

مصر


قطار لا يحترق

عمارة لا تنهار

باخرة لا تغرق

ونفوس لا تتفحم في مسرح

وأخرى لا يقتلها الجهل والسحر والفقر بالليل

عشان فيها دعاء سمير وهند صلاح وأحمد مجدى ونانسى حبيب وأحمد عمار ومحمد هشام الخنيق و العفاريت بقيادة د.أحمد ود.أمل

hesterua said...

معتقدش ان فى مكان
مفيهوش قطر بيتحرق وبواخر بتغرق
اعتقد ان اللى جاى احسن
وزى ما قال واحد بحبه
مش كل شىء بيفوت فى عمرنا بيجرح

Geronimo said...

اكرام الميت دفنه

ويا ريت يا جماعة تذكروا محاسن موتاكم
مع انها مكنش لها محاسن
دى قهراني بنت الصرمة

عشقك ندي said...

مصر لا تموت ابداااااااااااااا
قولي ورايا مصر حتفضل غالية عليا
سيبونا بس اليومين دول نعيش اجواء النصر اللي حققناه وناخد منه دفعة ونبطل الكأبة واللطم علي الخدود واحنا حنبقي كويسين بس بشرط ان تخلص النوايا

hitch said...

صحيح القطرالمحروق فى كل مكان والباخره والعماره انما القضيه واللى متلاقيهوش فى اى مكان......... شعب سلبى زى شعبنا

يتناسى العباره والاسائه والقطار والقتلى على الحدود ويتذكر فقط 4/1
وطبعا الاربعه مش عدد المصايب ده عدد الاهداف فى مطش مصر ....د
وتتعمد كل وسائل الاعلام التعتيم
ويتناسى الشعب السؤال(احنا هنغم نفسنا له؟؟) بعد كاس الامم الافريقيه
ترفع الاعلام وتمطر السماء اموالا على لاعبى الكرة وتسمع بكل القنوات الى اغانى النصر
وكآننا فتحنا عكة او قتلنا كل مسئ الى الرسول الكريم
هيه دى مصر
بلدنا
(احنا عملناها كده -عفوا-بنت كلب)
ويحضرنى قول صلاح....... وعجبى

Doaa Samir said...

بعد الطوفان والجو شبورة

لا والله ما ماتت، كانت لحظة همّ قومي ثقيلة تراءت لي فيها مصر في كفن ولم أكن من المشيعين!!د


روني العجيب

والله ما عارفة أقول لك ايه.. بس شوية العفاريت الخنيقة دول لسه ماعملوش حاجة، بس جايز يكون حد منهم بدأ يعمل بالفعل


Hesterua

"مش كل شيء بيفوت في عمرنا بيجرح" ياااه، مؤثرة أوي الكلمة دي يا أحمد. بس يارب يفوت "في"، مش "على" عمرنا، ساعتها الكلام هيختلف!! ربنا كبير

Doaa Samir said...

جيرو

كده برضه ده كلام، وتهون عليكِ..؟! ده إنتِ سافرت والمفروض إنك جربتِ يعني ايه تكوني بره مصر ولما حد يقول إنك مصرية تحسي لها بطعم!! ع العموم، تبقي تدخلي على باب فضفضات في المجلة يوم الخميس بالليل وتقرأي فضفضة تحت عنوان "شوق وحنين لـ .. مصر" هتفتكري ويمكن....لأ.. هاسيبك إنتِ تحسيها..مش هاحكي ولا هاديكِ حكم مسبق


عشقك ندى

أنا كبيت جزء من اللي حسيته قبل الماتش اللي كان فوزنا فيه "طبطبة" على قلبنا المكسور.. ويومها لعبت معاهم ونطيت وقلبي هج من مكانه مع كل ضربة جزاء وفي الآخر فرحت بس برضه دمعت.. ما هو أنا مصرية يا عم!!د

Hitch

لأ، أنا مش معاك يا هيتش..شعب مش لاقي حاجة حقيقية تفرحه، لا لقمة عيش خالية من الأتربة وخيوط التنجيد، ولا بيت عدل جيد التهوية ومش مرشح ومش آيل للسقوط، ولا مواصلة تصلح للاستخدام الآدمي النظيف..عايزه يعمل ايه.. إذا كان بيلجأ للسخرية والضحك من همه وعلى همّه من كتر الهمّ وعشان مايموتش قهراً؟؟!!إنت َعايزُه لما تيجي حاجة تفرحه زي كأس الأمم الأفريقية بعد نكبة الباخرة مايفرحش ويهيص وياخد نفس وهو بيقول يا الله يا ولي الصابرين؟!!مش كفاية من غلب بعضهم أرجعوا الفوز لبركة حضور الأسرة المقدسة!! وكأنهم مش مصدقين..يخرب بيت الهمّ.. والله غلابى

أبوشنب said...

كله ده كوم والذمم الخربانه كوم

شفت مكان في الدنيا فيه هذا الكم من الذمم الخربانة

بعد الطوفان والجو شبورة said...

دعاء .. أنا عارف إنها عايشة و مش هاتتموت .. بس نفسى أقوللها إلحقينى ..

aiman said...

Do3a2,
Thank you for your visit, you are not meant by this comment, it is just a thought that i wanted to share with you.

الموهوب..شاعركان او كاتب او زجال.. لما بينقل مشاعر و احاسيس هو مش طرف فيها.. بلحمة دمة...بروحة بس
...بيطلع الكلام نسمة جميلة ....زى نسمة المروحة الكهربا من واحد لخمسة
...يزودها و ينقصها حسب ماعايزها توصل للي حيسمعها او يقراها
لما تكون التجربة كاوياة و ريحة شياط جلدة زاكمة حواسة
بيطلع الكلام زى ماللي خلقك عايزة
يا نسمة...يا اعصار
.باحلم ..وماتمناش لحد..بموهبة تتطحن بجد للة ثم الوطن ...علشان نسمع و نقرا كلام بجد مش ضلة

yawp said...

أحيانا يصير حتميا أن نموت لكي نولد من جديد. مصر كغيرها من بلدان شرقنا العتيق أنقاض بنيان خرب لا ينتظر سوى هبة ريح لكي يتداعى.

أعتقد أن الإعتراف بأننا متنا منذ سته قرون على الأقل هو أول الطريق.

Doaa Samir said...

أستاذ أيمن،

العفو يا فندم وبالنسبة لكلام حضرتك فأنا علقت عليه في مدونتك وميرسي على ردك..
((:

Yawp

لأ والله، مش للدرجة دي.. احنا مامتناش بس محتاجين شوية همّة عشان نصحى ونفوق..وتاريخنا مليان وعمران بدرجة تخليني وأنا في عز يأسي وهمّي ماأقدرش أقول إن مصر أصبحت بقايا بنيان خرب.. لسه فيه أمل

aiman said...

Do3a2 hanem,
This how I address people whom I respect.
Thankyou again for your comments, and thank you for your visit.

I am going to use a term that i have used answering back alo7't Rise of 7aret za3tar, الموضوع ذو شجون ....
I finally made a commitment to Allah to expose as much as I can all the atrocities that is happening to us muslims, out of my own personal experiences.

I am neither a writer nor a poet, but I try to put my feelings in a way that may sound appealing to the majority of the visitors of this new sphere, which is the bloging world.
I would remind myself and you..
و اللة من وراء القصد

daktara said...

والله عندك حق, بس انت نسيتي كارثة الفوز بكأس الامم الافريقية

shababik said...

ما كنتش عايز ابدا دخول مدونتك بتعليق شكلة مش ظريف بس اهو بقي بختك كدة.
............والاكتئاب بسبب كل هولاء