Wednesday, February 22, 2006

البين بين

البين بين


الرمادي
غارق فيّ إلى حدٍ لا أعلمه، وغارقة فيه أنا حتى الرمادي
أصبحت كل ألوان ملابسي رمادية حتى الأحمر منها والموف، وطعم الأكل رمادي بما فيه من الحلو والحاذق، وكل شيء.. غطى كل شيء حتى زحف إلى بعض البشر، حتى الكلام صار بلون السكات وصار السكات رمادي اللون!! د

اتسعت مساحته في حياتي ولم يعد له نهاية حتى فيما بعد امتداد البصر!!د
مللت الوقوف في منطقته وأنا لا أملك حراكاً ولا حتى أستطيع أن أرى غيره أو ما بعده..
أريد أي شيء يحركني لأي اتجاه آخر غير رمادي
لم يعد الأمل عندي أن يحدث ما كان منتظراً حدوثه
لم يعد الأمل يعني "بصيص الضوء"د
ولم يعد "بصيص الضوء" يعني بأنني سأتحرك إلى الأبيض
بل اتسع الأمل ليشمل اللونين الأبيض والأسود...!!د

يارب دبر لي أي شيء
أي شيء يا رب
اديني أي علامة يارب ولو حتى جرح أو لون أسود!!د
المهم، إني أخرج من براح الرمادي الضيق الخانق
أنا راضية، فأنتَ لكَ الأمر وحدك، وأنتَ على كل شيء قدير

13 comments:

أبوشنب said...

يا رب

Hend Nour said...

اتفق معاكي تماماً ان اللون الرمادي ممل ورتيب و"خنيق" وان هو المقصود في المثل الشعبي اللي بيقول "وقوع البلاء ولا انتظاره"... ولكن لإحقاق الحق يلعب اللون الرمادي دور مهم جداً الا وهو ان الوقوف فيه لفترة من فترات حياتنا بين كل حين وأخر بيخلينا نحس أكتر ونستطعم الألوان التانية حتي لو كان اللون التاني ده أسود!! بالإضافه الي ان المرحلة الرمادية في حياة اي انسان فترة مناسبة للتعرف أكتر على حياة الناس اللي حوالينا لأن حالة الزهق والخنقة والتطلع لأي شيئ أخر غير الرمادي بتخلينا ندقق ونبحلق في حياة غيرنا واللي بنشوفه بيعتمد على كل واحد وتركيبة الأنساني فالأنسان اللي اصلاً نضيف من جوه هيشوف مشاكل الأخريين ويقدر يعرف بسهولة ان اللي عنده من مشاكل حتي وإن كان أكثر تعقيداً من غيره الا انه هيحلا في عينه ساعتها اما لو كان -يكفينا ربنا- اسود من جوه فهيشوف اللي ناقصه ويدور عليه في حياة الأخرين.... وبعد الرغي ده كله أحب اختم بـ "دع المقادير تجري في اعنتها ولا تبيتن الا خالي البال فمابين غمضة عين وانتباهتها يغير الله من حال الي حال"... وصدقيني الحال هيتغير

Doaa Samir said...

أبو شنب

يارب.. يارب

هند،

كلامك صحيح، لكن الرمادي -زي ما كتبت- بقى مستغرق فيّ ومش مخليني عايشة.. بدليل إني عشان أخرج منه وخلاص بصيت للأسود. وبرضه وأنا في الرمادي مش مبطلة خصلتي المتعبة "المهببة" في إني أشوف بعيون قلبي وأحس بتعب غيري حتى المسيئين منهم وحتى اللي بقيت مش باهمّهم ومش فارقة معاهم وحتى اللي مفيش مساحة تخليني أقول لهم "مالكم"د..

وعلى فكرة مش بالضرورة إن اللي مش يقدر يحس بغيره يكون جواه أسود أو بيدور ع اللي ناقصه في الناس التانية وينتفع بيه..مش لازم. يعني هي مسألة أسود وأبيض.. مسألة رهافة حس وشفافية قلب وده في حد ذاته شيء مهلك

عشقك ندي said...

طول ما بتشوفي حزن غيرك والامهم تبقي أبيض وابيض ناصع ساعات يحتل الحزن مساحات من حياتنا ويصبغها بالآابة واللون الرمادي لكن لا تستسلمي وحاولي وربنا يخللي ايامك روز وفوشية

aiman said...

Do3a2 hanem,

Out of experience,
When grey is dominating in such a manner, when every where you go are grey areas of life.
when everything you see is masked with a grey veil.
when all the sounds you hear is but grey subjects, that would not sustain black or white.
Remember all this is for a reason, and that the only way out is Allah .

ففروا الي اللة

واللة من وراء القصد

rony_al3geeb said...

من وفاة مصر الى اللون الرمادى .. انت ايه حكايتك يا دعاء

Doaa Samir said...

عشقك ندى

يارب يا عشقك ندى مش أتلوث بحزنهم خصوصاً وإن كان فيه سلف ودين، ويارب الأيام الجاية تكون ألوان ومش بالضرورة فوشيا ووردي والحياة لونها بمبي
ميرسي ليك

أستاذ أيمن،

ما هو ده اللي أنا باعمله لأنه مفيش ملجأ غيره

روني العجيب

عود أحمد ومحمد ومحمود وإلخ..حكايتي ايه؟!إممممممم، اسألي الكروان..بس مش تستني إجابة لأنه مش هيقول لحد
(:

hitch said...

واضح ان كروانك بعيد
ويمكن اخرس...د
علشان كده متستنيش كتير وتوقفى كل حياتك منتظراه يغنى
ويمكن غناه ساعتها ميشجيكيش ....د
ساعات بيكون الكروان اعمى واصم
لو مسمعش اول صفاره ... يبقى صعب قوى انو يسمع التانيه والتالته.....د
ولو سمعها هيكون على حساب صوتك المهدر ومش هيطلعلك صوت تانى ... ساعتها هيكون ندمك على صوتك اللى راح اكبر من سعادتك بصوتو الجميل -ولان الحياه بتتقاس كده ... هتكسبى ايه وهتخسرى فيه قد ايه ؟وناتج المعادله لو مكانش بالموجب يبقى بلاش منو-د
اعتقد ان ملكيش طريق تانى غير انك تحاولى مره واحده بجد انك توصلى للونك الابيض
صرخه واضحه ,صفاره تصم اذانو من غير ما تنبحى صوتك
اما يسمعها ويغنى او تعرفى انو بجد اصم واعمى وتستقبلى لونك الاسود
هتخسرى ممكن ... لكن على الاقل هتكسبى وقت ومجهود وباب مفتوح تشوفى منو علامة ربنا-اسعى ياعبد .. ربنا يبعتلك علامه لما تكونى بجد بتدورى عليها-وطبعا ده صعب علينا كلنا لاننا اضعف من اننا نواجه خوفنا واغلبنا بيستسلم لوضع الرمادى للابد او لغاية لما الرمادى يزهق ويبهت
صدقينى هتكسبى فى الحالتين حتى لو معرفتيش انك كسبتى
واسئلى مجرب حتى لو كان معرفش لسه ولما تعرفى ابقى قوليلى :)د

Geraldine (dalia younis) said...

اسمعي رسام الليل بتاعة فرقة "كلنا سوا".. هتفيدك أوي في حالة الرمادي دي..
انتي بس نسيتي الألوان يا قمر.. ومحتاجة حد يفكرك بيها :)

Doaa Samir said...

لأ يا هيتش.. كرواني مش بعيد
ولا أخرس ولا أعمى ولا أصم
بالعكس.. ده ناطق حتى وهو في عز صمته وسكونه
مش شايف أنا باعمل ايه؟ أديني باكتب وبقرأ وبعيش وباحمد الله.. وبتتولد جوايا طاقات هائلة بتخرج في الكتابة وفي أشياء أخرى كثيييييييييرة
بس ربنا يستر منها لأنها بدأت تاكلني وأنا مش عندي جناحين زيه أطير بيهم لو ضاقت عليّ الأرض
(((:


مع ذلك، لما يتكلم الكروان ويصدح ومايلاقيش حد يسمعه.. فمش ذنبه إن الناس صماء. والمفروض أصلاً إنه مايحطش في باله إنه بيسبح عشان الناس تسمعه وتؤمن على تسابيحه يا عزيزي.. وحتى لو سكت وأنا مؤمنه إن سكوته ناطق والناس كعادتها مش فاهماه، فبرضه مش ذنبه إن الناس مش بتحس وقولبهم بقت نحاس مصمت!!وضمائرهم دخلت في غيبوبة كاملة. وعموما الحياة مش فيها الكروان وبس ومش بس ناس مش ناس

ده بصفة عامة يا هيتش.. أنا حاسة بألم في كلامك وإنك بالفعل في اللون الرمادي بس هاقولك كلمة بيني وبينك.. خليك إنت إنت في حد ذاتك وحب نفسك زي ما هي كده طالما إنك متأكد إنك صح وكويس.. ومالكش دعوة باللي عايزك تكون كاروهات، أو مقلم بالطول، أو عاوزك تكون سادة
خليك زي ما إنت ومتخليهاش تخسر وماتخسرهاش أغلى حاجة عندها... "نفسها"د
وبمناسبة الكروان وسيرته الجميلة... ياريت تدخل على اللينك ده وتقرأ "سامحنــ...سامحتـ...ك...ي!!"عشان تتعرف على كرواني
(((:

http://krawan.blogspot.com/2005/09/blog-post.html

وميرسي على مرورك اللطيف والمؤثر

Doaa Samir said...

جيرالدين

يا مرحب ويا أهلا.. هابقى أسمعها إن شاء الله يا داليا..وتبقي تكرري الزيارات

hitch said...

دعاء ... انا اقصد اكتر الكروان اللى بتغنى عليه مش اللى بيغنى ... لانى حسيت ان ليكر كروان ابعد من اللى جواكى , مش عارف فهمانى ولا انا غلطان .د
عموما شكرا على نصيحتك . لكن مش هقدر اعمل بيها دا لانى ببساطه ان اللى بيحاول يغيرنى ناس قريبين ليه , واحيانا بيكون الانسان غلط لكنو مش واخد بالو وفاكر انو كويس وصح وده اصعب من ان الانسان يكون مدرك حالتو . وانا مقتنع بكده لانى بشوف ناس كتيير حواليا كده وبخاف انى ابقى زيهم ومشوفنيش على حقيقتى .د
ده بيخلينى بششكك فى نفسى الى ابعد الحدود واحاسبها ولدور وراها وده صعب جدا ويتوه كتييييييييير.د
كتيير بندم على البرائة اللى بنخسرها مع كم اذدياد ادراكنا لذاتنا وللاخرين

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人