Wednesday, March 08, 2006

حدوتة ميداليا ومتفاح ليس فيها!!د

حدوتة ميداليا ومفتاح ليس فيها!!د




أحب صوتك في الصبح
أستمتع وأنتِ تتخبطين في بعضك وتطلقين ذلك الصوت المعدني الفوضوي الشقي.
وأشعر بالدفء والهدوء لما أراكِ تركنين على المكتب بعد أن تلقي هي بكِ جانب الكمبيوتر.. بالتحديد، في ظل قرص الشاشة فلا تصدرين أي حركة أو صوت. وحينها تبدأ طاقاتي في التحرر من مكامنها فمن هنا يبدأ يومي ولا أحس بضوء النهار حتى وإن لم يوجد إلا بكِ.

أكرهك في آخر النهار
حينما أسمع صوتك أيضا لما تأخذك من فوق المكتب بسكون مقلق، أو باستعجال، أوبملل، أو رضا، أو بلامبالاة، أو بعصبية، أو بقلة حيلة مستهزئة.. فتلك هي أحوالها الظاهرة
وأحس بتجويف أسود موحش ينفتح بداخلي، ومساحات من الغربة لا تنتهي، وجفاف في الروح، لأنها سترحل!!د

تشتتيني وتنزعي من قلبي ذلك الدفء الذي زرعتِه في الصباح بسكينة مشرشرة باردة، لما أسمع صوتكِ فجأة في وسط النهار.. فأجفل وتطير كل أفكاري، وتتقطع أحبالي، وتشتعل النار في جسدي ولا أسمع سوى أنفاسي المتباطئة بالكاد إذا كنت لا أعلم إلى أين العزم.. إلى أين هي ذاهبة؟

لما تتركْ مكانها، أمر بجانبكِ وأحبو عليكِ بعيني ببطء حنون وابتسامة أخفيها في عبسة حاجبي المنعقدين تصنعاً وكأنني سأراها فيكِ. وإذا ما أتيحت لي فرصة لأمسككِ، أقربكِ مني وأكاد أن أقبلك ،وأتشمم عطرها فيكِ، وأكلمكِ لعلكِ توصلين لها ما أتمنى أن أقوله لها ولم يحدث بعد. ولا أعرف إن كان سيحدث أم لا

أتأمل تعليقتك الفضية، واللعب الخزفية، وصدفة البحر الملونة، وزهرة الصنوبر الخشبية، وأقرأ ما نقش عليكِ. وأسأل في سري من أهداكِ لها، أو من كان معها لما اشترتكِ، ومنذ متى وأنتِ معها؟!د
هل فيكِ قصص لها، هل رمتكِ يوماً بعصبية، هل قبضت عليكِ يوما بيدها فرحاً، أو أمسكتكِ وهزتكِ في الهواء شقاوة؟ فيم تفكر لما تلعب بكِ وتتحسسكِ في مشاويرها الطويلة ولحظات خلوتها الأطول؟!د

أدقق في مفاتيحك، كلها تشبه بعضها البعض... لم أشغل نفسي بأي مفتاح فيكِ للمكتب وأي للبيت، وأي للدولاب، وأي لصندوقها الذي حكتْ لي عنه. كل ما يشغلني هو الوصول إلى "مفتاحها" ويؤسفني أنه ليس فيكِ
وكل ما استطع أن أتمناه أن يكون لي فيكِ يوماً مفتاحاً أكون قد أعطيته لها؛مفتاح صغير، لبيت جميل.. هو بيتنا

وساعتها، تأكدي أنني لن أهملك ولن أنساكِ لأنك تحملين لي في حلقات سلسلتك حواديت عنها ولها
فأنتِ منها..!!د

18 comments:

egiziana said...

ان سكوني و صمتي لا يمنعاني أن اعلق علي تدوينتك الجميلة اللي مليانة إحساس

Geronimo said...

تستحقين يا سيدتي لقب سيدة المنمنمات
صاحبة الاشياء الصغيرة
ذات المعاني العميقة
كيف تتعلقين في ميدالية مفاتيح وتستطيعي سرد قصتها بهذه السهولة
جعلتينى اهتز معها فى الدخول والخروج
واتعلق بها واسقط فوق فوق سطح المكتب عندما تسقط

قصة رائعة

طبيخك اتحسن يا حورية
بوسة كبيرة للعيون التعبانيين
ربنا معاكي يا دودو
ومعايا

Omar said...

"سيدة المنمنمات" ، لقب لايق قوي يا جيرو، لقيتيه فين ده، فعلاً مناسب ليكي يا دعاء، كتابتك وأحاسيسك وصورك كلها موزاييك وفسيفساء، ودرجات الوان، محتاجة لقدر محترم من التأمل لتمييزها والاستمتاع بيها

المفتاح اكيد أقرب مما تتخيلي، جوة ف قلبك، افتحي قلبك :-)

aiman said...

الاخت دعاء
ماشاء اللة اسلوب سلس ينساب ويترك عبقا ....
اتم اللة عليك نعمة ظاهرها ...... وباطنها .. ورزقك خلاص النية و القصد لجلال و جهه و عظيم سلطانه .

Nour said...

وأحس بتجويف أسود موحش ينفتح بداخلي، ومساحات من الغربة لا تنتهي، وجفاف في الروح، لأنها سترحل!!د

***

الله يا دعاء

بجد الله

:)

azazel said...

رائع ... تفوقتي على نفسك يا دعاء ... لم أستمتع بقراءة تدوينات كما استمتعت منذ أن مررت هنا

Doaa Samir said...

Egiziana
وأنا سعادتي كبيرة لإنك خرجت من سكونك وصمتك ولو للحظة عندي
((:

جيرو،
العفو يا "سيدتي"،-ايه حكاية سيدتي معايا؟!!-د الله يكرمك..إحم..جميل أوي اللقب ده بس تصدقي إنه لايق وفيه شبه مني.. أصله بقى معروف عني إني غاوية حاجات صغيرة وأول قصة كتبتها بنية إنها تكون قصة كانت حول حاجات صغيرة وبرضه واحدة تانية تدور حول المنمنمات وأنا مقتنعة إن:د
Life is made up of little things.
مش كنت متوقعة إن تأثيرها فيكِ يكون زي ما قلتِ.. فرحتيني
وبوسة مني كمان

Doaa Samir said...

عمر باشا

ميرسي ليك.. يارب أبقى كده على طول، مرة كنت عايزة الضرب وفكرت في لحظة رعناء إني أتخلص منها.. بس يارب منمنامتي تكبر وتزيد مع إنها أحياناً بتكون متعبة ومالحة
أما عن حدوتة المفتاح اللي مش في الميداليا فهو عند ربنا..قريب بقى أو بعيد، مايهمش.. طالما إنه في أمان

Doaa Samir said...

أستاذ أيمن،

ميرسي ليك، وأجمل ما في كلامك "الدعوات"يسمع منك ربنا...يارب آمين

نوران،
نورتيني
(:

Doaa Samir said...

Yawp Pasha

لم تستمتع بقراءة تدوينات كما استمتعت منذ أن مررت هنا..؟!!ده كبير أوي الكلام ده..وفخر لي والله مع إني مش باعرف أفتخر بنفسي.. ميرسي لمرورك ويارب دايماً تستمتع

(:

دودو التانية said...

هايلة يا دودو ...حلوة فعلا والاحساس فيها صادق قوي ويدخل القلب ،وإن كان صعب قوي تلاقي حد بيحب حد قوي كده ومهتم بكل حاجة في حياته قوي كده لكن ما يمنعش إنها هايلة بجد

شادي زكي said...

قبل أن أعلق على آي، أود أن أذكر أن هذه هي أول مرة أعلق على عمل أي أحد وهذا لشعوري أن من يكتب يحس أن ما كتبة هو جزء منه وبالتالي أي كلام عنه سيكون بمثابة كلام عن شخصة هو.. أما عن حدوتة ميداليا ومفتاح ليس فيها، فبعد قراتها أحسست أنك عبارة عن كتلة من المشاعر والأحاسيس القادرة على وصف أدق تفاصيل الحياة التي من ممكن ألا يلمحها أحد في خضم أحداث الحياة المتلاحقة.. وقد تأكد ما قلته سابقا عندما أنتقل إحساسك إلي في وصفك للميدالية وكلامك ينساب إلى داخلي.. كل منا له زكريات يبحث عنها ويتذكرها حينما يكون في حاجة إلى عون.. مش مهم من أيه ولكننا نحاول أن نستمد من تلك الذكريات القوة التي تساعدنا على أجتياز الأزمات التي تمر بنا.. أخشى أن أكون قد أطلت وأخشى أن أكون قد وقعت في فخ التعليق على أعمال الأخرين وتصبح عادة لدي ولذلك فسوف أكتفي بهذا القدر..د

daktara said...

الصراحة كده انا مش فاهم حاجة
بس بشكل عام ليه كل كتاباتك يعمها اليأس الدنيا زي ما فيها حاجات وحشة كتير لسه فيها حاجات حلوة واماني ممكن تتحقق
وراجعي موضوع سجود اللي كاتباه وانت تعرفي ازاي تتغلبي علي حزنك وازاي تكتسبي امل جديد في الحياة

Doaa Samir said...

دودو التانية

ميرسي يا دودو التانية، إنما إنتِ قلت "دودو التانية" باعتبار إني دودو الأولى((: د
فكرتني كلمتك بإنه صعب قوي تلاقي حد بيحب حد قوي كده ومهتم بكل حاجة في حياته ببيت من الشعر مش عارفة صاحبه بيقول:
أحبُ من حبكم من كان يشبهكم
حتى لقد كدت أهوى الشمس والقمرَ
أمرّ بالحجر القسي فألثمه
لأن قلبك قاسٍ يشبه الحجرَ

شادي زكي

مش لازم يا شادي يكون كل ما يُكتب هو بالضرورة جزء من حياة أو "جوانية" كاتبه، ممكن تبقى البداية مجرد فكرة كده تلمع في الذهن وتكون الظروف مواتية لاقتناصها والبناء عليها ولما يبدأ البناء في الوجود ممكن الواحد يحس إنه جميل ويحبه بصدق فتخرج كتابته كما شعر بالظبط.. وده اللي خلاك تقول إني كتلة من المشاعر والأحاسيس وأعتقد إن كل "بني آدم" كده وإن اختلفت النسب والدرجات والخامات.. مسألة التعليق أمر عادي جداً خصوصاً إذا لغيت من دماغك فكرة إنك بتتعامل مع صاحب النص..لأ تعامل مع النص نفسه وطلع فيه القطط الفطسانة..ولايهمك
(:

Doaa Samir said...

Daktara,

ليه مش فاهم حاجة؟ أو ايه اللي مش فاهمه بالظبط؟ ياريت كنت قلت
أبداً والله يا "دكترة" كل كتاباتي لا يعمها اليأس ولا فيها حاجات سوداوية أوي.. حتى عندك "حدوتة ميداليا" مش شايف مبهجة ازاي؟...ده أنا مرة لما طُلب مني إني أعمل شعار لي قلت "لسه فيه أمل" يعني متفائلة جداً جداً...تصور
(((:
هو بأمانة ممكن الفترة اللي فاتت النفسية كانت في النازل حبتين بس خلاص.. وكلنا بنمر بنفس الحالة دي من فترة لفترة..فما بالك إذا كانت الدنيا أصلا زحمة، وفما بالك إذا كنت إنت إنسان مش بتقول، وما بالك إذا كانت نفسك أكبر من طاقتك، وما بالك إذا تجمع كل ما سبق مع أشياء أخرى واحتقن بداخلك وإنت إنسان مرهف حبتين؟!! يبقى لازم يكون فيه "فتحة" نخرج منها الصديد شوية شوية لحد ما ينتهي وبعدين نحط مضاد حيوي موضعي.. هيحرق آه بس مايهمش

بس عارف أجمل ما في الموضوع واللي أسعدني بجد إن إنت قرأت كذا حاجة لي وإلى حد ما متابع كرواني مع إني أول مرة أشوفك هنا
(:
فأهلاً بيك دايماً

daktara said...

ده فعلا اول مره ادخل المدونه بتاعتك ولانها اعجبتني فقمت قرأت كل المواضيع قبل ما اعلق علشان اكون ملم بالشخصية اللي هاعلق علي كلامها
فعلا الواحد بتمر بيه حالات من اليأس والاحباط وحالات اخري من النشوة والبهجة
المهم ان الواحد ما يستسلمش ابدا لليأس
ردك جميل خاصة انك استغليتي الدكترة ودخلتي الطب في الموضوع
عجبني قولك عن نفسك ان حسك مرهف حبتين اول مره اشوف حد بيعترف بكده علانية غيري
علي العموم مدونتك جميله واعتبريني قاريء دائم

Anonymous said...

لم يعد هناك لا قلب ولا مفاتيح ...ودمتم هه

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人