Monday, April 17, 2006

لم أكن أدري

لم أكن أدري


كانت تعلوني سحابة شتوية تنذر بهطول المطر في منتصف نهار صيفي مشمس
ترك مكانه ووقف بجانبي مدعياً انشغاله بقراءة الجريدة
ثم اقترب ومال عليّ ليسألني: لا أسكت الله لكِ حساً... مالك؟د


كان لـ "مالك" منه وقع هادئ رطب على قلبي وكأنني لم أسمعها من أحد غيره ذلك اليوم فانسكبتُ كلاماً وعبارت غير مكتملة. شكوتُ من الزحام، والمواصلات، والشغل، والدراسة، والأدب، والفن، والحياة، والسياسة، والأحلام العريضة. لكن، كان ما بداخلي أكبر من أن يحيويه ويغطي عليه كل هذا الكلام، فممللت

ابتسم هو بمكر وقال: هل هو كذلك، أم أشياء أخرى؟!د
وابتسم بثقة أكثر فأحسست أنني أصغر من ابتسامته ولن أنجو من مكره. رددت بتلقائية مسالمة وغير محسوبة: "آه، أشياء أخرى" ونسيت أنه يقصد بالأشياء الأخرى "شيئاً واحداً"!!د

اتسعت ابتسامته وعيناه أكثر ليبلعوني ويكشفون كل محاولاتي للمداراة وليفضحوا كل ما أردت كتمانه. انكمشت جواه لأنه لم يعد لي مكان فيّ بعد أن طغى هو على كل البراح.... لم أكن أدري أنه يدري


توقف لساني لحظة عن المحاورة والقفز بين الشوارع والشماعات الساذجة والحجج الواهية لتفادي المحظور الحديث عنه. ورأيت أنه لم يبقَ لي غير التزام الصمت. طأطأت رأسي خجلاً وأخذت أتأمل أناملي وكأنني أراها لأول مرة

نفخ في وجهي بنعومة لينبهـني. فوصلتني أنفاسه معطرة بالنعناع وعطر كريم الحلاقة. رفعت جفني الذي أثقله الحياء بدلال غير مقصود، وخرجت مـني"نــ عــ ــم" منفرطة الحروف، متقطعـة الأنفاس، مغلوب على أمرهـا. مال بكثير من خبثه وقليل من شقاوته وقال وهو يغمز بعينيه:د


عارفة أنا نفسي أعمل ايه دلوقت؟!!د


و......د
انهارت سدود الضحك بين ملامحي


15\4\2006
الساعة الثالثة بعد منتصف ليل السبت

16 comments:

Hend Nour said...

حلوة قووووووي يا دعاء... بس بجد هو كان عايز يعمل ايه؟؟ والسؤال الأهم عمل ولا لأ ؟؟؟د

yawp said...

يا سلام

صباحنا فل و ياسمين

!!!

Omar said...

هههههههههههه، حلو قوي الكلام البنانيتي ده

Doaa Samir said...

هند

العفو قوووووي يا فندم
إنما هو كان عايز يعمل ايه؟؟إمممممممم.... أنا أعرف؟!! ما تسأليه هو




Yawp

صباح الفل والياسمين والتيوليب والقرنفل والبنفسج....وباقي أنواع الزهر
((:


عمر

أخيراً نورتني؟! لك وحشة والله يا باشا
حلو التوصيف بتاع بننايتي ده
بس تصدق.... ممكن
((:

hesterua said...

يا صباح البراءة والدلع اللى مالوش زى.....عمل و لا معملش
يا بختو

Ahmed Shokeir said...

حلوة يادعاء

تعبيراتك عن أحاسيسها فيها بساطة ونعومة زي برائتها

وخصوصا تعبيرك وهي بتقول له (نعم) شعرت بالكلمة متحشرجة وهي تخرج وشممت رائحة كريم الحلاقة والنعناع

bosbos said...

انكمشت جواه لأنه لم يعد لي مكان فيّ بعد أن طغى هو على كل البراح

التعبير ده تحفه بس بجد انت دايما احساسك جميل و تعبيراتك في منتهى البراءه

rony_al3geeb said...

والله زمان يا دعاء .. وحشتينى موووووووت .. أنا عارفة انى مقصرة .. بس الجميل مش بيسأل على حد خالص .. عموما يا مساء الدلع .. ومش أى دلع ده دلع بتاع بلاده .. سلاااااام

tamer said...

سطور جميلة مكتوب ياحساس مرهف صادق

كتبتى فابدعتى دعاء

ربنا يوفقك

الى الامام

worood said...

جميل قوي كلامك..وسلاسلة تدفق مشاعرك على قلمك
:)

Bent Masreya said...

هو دا اللى انا كنت محتاجاه النهاردة

اقرالك حاجة بالروعة دى يا ديدي

تسلم الكتابة اذ

Doaa Samir said...

Hesterua

:-O
:">
إحممم.ـــــــــ والله يا أحمد..أصل الموضو.. بس هي الحكاية..إإإإممممممم.. بص، هي طلعت كده..مش مقصودة يعني
إحم كمان مرة وميرسي ليك


أستاذ أحمد

يا مرحبا يا مرحبا...أخيراً نورت!! حمدا لله ع السلامة يا فندم. ميرسي ليك أما"نــ عــ ــم"...فمش كده برضه والنبي؟!! حلو تعبير محشرجة ده
((:


bosbos

ميرسي ليكِ يا بوسبوس.. يمكن عشان الإحساس لوحده جميل فلما بيطلع على الورق بيظهر جماله..أو يمكن عشان أحيانا بيتعجن جوايا بأشياء أخرى ممكن تكون جميلة!!د
مش عارفة... كل شيء جايز
بس الأكيد إنه عشان إنت جميلة حسيتِ بجماله
((؛

Doaa Samir said...

rony_al3geeb

:D
عاش من شافك..وإنت كمان والله. إنما ايه الغيبة الطويلة دي، لعله خير إن شاء الله
معلش..حقك عليّ..
سيبيكي من الدلع بتاع بلاده ده دلوقت
:P
المهم إنك نورتِ



تامر

الله يخليك.. ومرحب بيك في مدونتي المستخبية لأول مرة
اللهم آميييييييييييين

ورود

ميرسي ليكِ يا ورود... هو صحيح تدفق المشاعر جميل بس إياك القلم مايتقصفش من كترها
ربنا يسترها
(:


بنووووتة مصرية

>:D<
يااااااااااااهـ... رحتِ وقلتِ عدوا لي!! وحشتيني يا بنتي..وبعدين ايه الصورة دي؟!!! نص البرتقالة راح فيييييييييييين؟؟ على أي حال، أهم شيء إنك عدتِ
آه والله عندك حق.. كتير باحمد ربنا على نعمة الكتابة
الله يسلمك يا جميل
:-*

Geronimo said...

مش عارفة اعلق
اكيد انتي فاهمة .....

راندا رأفت said...

قرأت لك أكثر من موضوع في مدونتك
فعلا لأسلوبك مذاق خاص مميز جدا

إلى الأمام دائما

Doaa Samir said...

جيرو

لأ..والله مش فهمت يا سمسم
):


راندا

أهلاً بيكِ في مدونتي للمرة الأولى يا راندا.. وميرسي ليكِ

((: